منتدى سفنكس للعربيات

مرحبا بالزائر الكريم..
ارجو ان تستمتع معنا فى المنتدى..
واتمنى ان تشارك معنا
و يشرفنا زيارتك مره اخري

انضم إلى المنتدى ، فالأمر سريع وسهل

منتدى سفنكس للعربيات

مرحبا بالزائر الكريم..
ارجو ان تستمتع معنا فى المنتدى..
واتمنى ان تشارك معنا
و يشرفنا زيارتك مره اخري

منتدى سفنكس للعربيات

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى سفنكس للعربيات

منتدى متخصص فى السيارات بجميع انواعها

عمر المنتدى بلأيام 5099
 
عدد المنتديات 102
 
 
 
عدد المواضيع 472
 
 
مرحبا واهلا بالعضو الجديد
Gony
 
 
 
للدخول لصفحة المنتدى على الفيس بوك
أضغط هنا


 
منتدى متخصص فى السيارات بجميع انواعها
 
 
مساحة مخصصه لأعلانات الأعضاء
مدونتى على wordpress
 
 
مدونة المنتدى الإلكترونية على بلوجر
 
 

    اجهزة كشف الردار

    osama_ruan
    osama_ruan
    عضو جديد
    عضو جديد


    عدد المساهمات : 16
    نقاط : 50
    السٌّمعَة : 6
    تاريخ التسجيل : 28/04/2010

    بطاقة الشخصية
    sphinx: 5

    ok اجهزة كشف الردار

    مُساهمة من طرف osama_ruan الأحد مايو 09, 2010 12:04 am

    أنا هنا هشرح بطريقة مبسطه أيه هوه كاشف الرادر.... الرادارات بتشتغل إزاي... إيه أنواع الرادارات... وأخيرا أنهي نوع المفضل إنه يشتغل في مصر...

    أولا :- أنواع الرادارات...؟؟؟

    الرادارت كزا نوع منهاالثابت والمتحرك والإتنين بيطلعوا موجات بترددات معينه ... بتصطدم بالسياره المتحركه.. وترد تاني للرادار... وبناءأ لقانون إن السرعه بتساوي المسافه على الزمن... الرادار هيحدد سرعتك....

    يعني نتطلع بمعلومه إن الرادار بيطلع موجه معينه والموجه ده ليها تردد محدد.... (المعلومه الأولى)

    ثانيا:-

    الموجات المستخدمه في الرادار.... همه أربع أنواع ملهومش خامس.... فأي حد يقولك غير كده .. إنتم عارفين تردوا عليه إزاي...

    الأنواع ده :- K,Ku,X & Laser
    أسهل واحد يقدر كاشف الرادار يكشفه هوه ال X
    وأصعبهم ال Ku وال K

    أما بالنسبه لل Laser فده مش رادار بمعنى الكلمة لكنه جهاز عامل زي المسدس ... يمسكه ضابط المرور... ويوجه شعاع ليزر للسياره المتحركه بيحدده بإستخدام تليسكوب صغير متثبت عليه .. يقوم الجهاز يحددله سرعه العربيه ده........ والجهاز ده مش مستخدم في مصر...

    طيب إيه الفرق مابين الموجه والتردد.... (( وده مهمه أوي))؟؟

    الموجات همه الأريعه إلي قلت عليهم... أما التردد.... عباره عن إن كل موجه ليها مدى من التردد معين...

    بمعنى زي الراديو فيه موجة FM و AM,,,, لكن ال FM مدى التردد بتاعها تقريبا من 87MHz لحاد تقريبا 105Mhz وعمره مهيزيد أو يقل عن كده.....

    أجهزة الرادار ... بتستخدم موجه معينه بتردد معين.... المشكله في التردد... لإن فيه تردد معين بيبأه صعب على كاشف الرادر يكشفه.... فمثلا ال KU band مداها من 24Mhz لحاد 35Mhz.... أصعبهم في الكشف هوه ال 35Mhz.....

    يبقى تاني معلومه مهمه .. إننا لازم نعرف إيه نوع الموجه إلي بتستخدم في مصر... وأي تردد بيستخدم فيها...

    في سؤال مهم ...أو معلومه لقيت حد من الأعضاء قالها... مع إحترامي ليه ... والمعلومه ده خطأ..

    عن ال Speed Cams>>> ده مش رادار بمعنى الكلمة... ده زي الكاميرا... بيتثب على إشارة المرور الضوئيه إلي بتشتغل بنظام كمبيوتري ... يعني شغاله وحديها...

    طب ووظيفتها إيه... وظيفتها إنه إنته لما تشوف إشاره ضوئيه.. المفروض تبقه داخل أو بتقرب منها بسرعه معينه متزدش عنها... وإزا زدت عنها تلقطك.... لإنه لما تقرب من إشارة مرور ضوئيه ... معناها إنك مقرب من تقاطع... والمفروض تدخل على التقاطع ده بسرعه محسوبه.. علشان تقدر تتلافا أي خطأ ...

    طبعا النوع ده من الرادارات مش في مصر.... لإن كل التقاطعات ماشيه بالبركه.. وبالعساكر... ولا تعليق أكتر من كده...

    أجمع المعلومات تاني.... الرادار بيطلع موجه بتردد معين... بتصطدم بالسياره المتحركه .. وترجع ليه.. فيحدد سرعتك... والمفروض تعرف أي موجه بأي تردد بيستخدم في مصر...؟؟؟ أنا بأه معرفش أنهي موجه بأنهي تردد... وده مهمة الأعضاء...


    أخيرا أنواع أجهزة كشف الرادار..؟؟؟؟

    لازم نتفق على حاجه مهمه...

    المهم بالنسبالك إن يكون عندك جهاز ليه ميزتين مهمين أوي...

    أولهم إنه يقدر يكشف الموجه بالتردد بتاعها ... (( وأقصد كل الموجات بكل الترددات))
    ثانيهم... إنه يقدر يكشفها من مسافه مناسبه تسمحلك بفرصه تهدي فيها... وأنا أقصد بفرصه يعني فتره زمنية مناسبه..

    أول ميزه أظن مفهومه...

    الثانيه ده .. وده الأهم في وجهي نظري... ليه؟؟

    لإنه لو حضرتك ماشي مثلا على سرعه 160 كم في الساعه ... وعلى فرض إن الجهاز كشف الرادار على مسافه 2 كيلو متر.... وبرضه بنائاَ على قانون إن السرعه تساوي المسافه على الزمن... إحسب أجمع إطرح إضرب..
    هيطلعلك وقت يساوي 45 ثانيه.. ده برضه على فرض إنك مهدتش من سرعه وإستمريت عليها.. وأظن إن 45 ثانيه كافيه أوي إنك تهدي فيها لتحت ال 100 كم .. لأ وكمان الوقت ده هيزيد لإنك عمال تقلل من سرعتك.. أتمنى إن إلي عاوز أقوله يكون وصل...

    طيب... ثالث معلومه مهمه ... إن كاشف الرادار لازم يقدر يكشف كل الموجات بكل الترداد وعلى مسافه مناسبه تسمحلي إني أهدي فيها...

    بالنسبه للميزتين دول........ بنقدر تحدد كفائة كاشف الرادار....

    في نوع من أجهزة الرادار بتشتغل بنظام ال GPS ....

    طب ده شغاله إزاي.... ببساطه إن الشركه صاحبة الجهاز ده.. نزلت بلد ما... وأعدت تتمشى في الشوارع وأعدت تحدد أماكن الرادارات الثابته .... وتقوم مخزناها في الجهاز... وإنته في العربيه ومشغل كاشف الرادار إلي من النوع ده.. هيتصل بالقمر الصناعي... ويحدد مكانك.. وأول متقرب من رادار ... هوه هينبهك...

    طبعا الأجهزو ده متنفعش في مصر... لإنه برضه ببساطه مفيش شركه نزلت مصر.. وأعدت تتمشى في الشوارع وحددت أماكن الأجهزة....

    أتمنى إن كل الأسئله إلي بتدور في أدمغت كل الناس أتجاوبت ...

    مش ناقص غير حاجه واحده بس......... لازم تتعرف؟؟؟

    إيه الموجات بالترددات إلي بتستخدم في مصر...؟؟؟

    لو حد عارف يقول.. ولو حدمعاه كاشف رادار يقول .. وأنا هعرفه إزاي يعرف منه.. ؟؟

    طب في حد ممكن يسألني إنته عندك كاشف رادار أساسا...؟؟؟
    الرد ... لأ معنديش ... أمال عرفت كل الكلام ده منين... الرد ببساطه ... إني دورت وسألت .. ودخلت منتديات أجنبيه متخصصه في الموضوع ده... وبحثت كتير....

    طب ومعندكش جهاز كاشف رادار ليه... الرد برضه ببساطه.. إني معرفش لا الموجه ولا التردد إلي بيستخدموا في مصر.... وده المهمه إلي المفرض تتعرف...

    أخيرا ................وليس آخرا... أنا بعتذر إني طولت عليكم... وبعتذر إني كنت بشرح بأسلوب عامي... لكن كان لازم علشان الكل يفهم..(( مع إحترامي للعقول كلها))

    أنا منتظر رد واحد فقط عن السؤال ده.... إيه هوه نوع الموجه والتردد إلي بتستخدم في مصر؟؟؟

    وبنائا على المعلومه ده ... هنقدر نحدد أفضل جهاز...

    إستنوا مني موضوع تاني عن الماركات بتاعت أجهزة كاشف الرادار... ومقارنات ما بينهم وصور ليهم....... المهم متنسوش .............. إيه هوه نوع الموجه والتردد إلي بتستخدم في مصر؟؟؟

      الوقت/التاريخ الآن هو الجمعة مارس 29, 2024 8:56 am